Datozen egunotan hainbat aldaketa izango dira hondakinen bilketa zerbitzuan gabonetako jai egunak direla eta. Ondorengo lerroetan jaso dira aldaketa horien xehetasunak:

Traste zaharren bilketa zerbitzua:

•     Aretxabaleta, Eskoriatza, Elgeta, Leintz-Gatzaga, Antzuola eta Oñati: Abenduaren 23an (asteazkena) eta abenduaren 30ean (asteazkena) atera beharko dira ohiko ordutegian, aurrez 943 711938 erantzungailuan mezua utzi ondoren. Ohiko bilketa egunean, osteguna, ezingo dira atera.

•     Arrasate eta Bergara: Ohiko bilketa egunak bere horretan mantentzen dira.

Herritarren bilketa zerbitzua:

Oñati: Abenduaren 24 eta 31an hondakinak eguerdiko 13:00etarako atera beharko dira, gauean ez da bilketa zerbitzurik izango.

Garbiguneak:

Abenduaren 24 eta 31an goizeko ordutegian soilik: 9:00 - 13:30

Abenduaren 25ean, urtarrilaren 1ean eta urtarrilaren 6an itxita.

*Garbigune ibiltaria:

    Abenduaren 24an Arrasaten: 14:00etarako erretiratuko da.
    Abenduaren 31an Oñatin: 14:00etarako erretiratuko da.
    Urtarrilaren 5ean Eskoriatzan: 14:00etarako erretiratuko da.

Industriguneetako bilketa zerbitzua:

Debagoieneko enpresei bilketa zerbitzuan izango diren aldaketen berri eman zaie korreo elektroniko bidez. Mezurik jaso ez dutenek argibideak jasotzeko 943 504721 telefonora deitu dezakete.